கொரோனா லீவில் எத்தனையோ ஆங்கிலப்படம் பார்த்தாலும் நண்பர்களுக்கு சொல்ல ஒரு படம் கிடைக்காததால் மீண்டும் கொரியக் கரையோரம் ஒதுங்கினேன்.

நீண்ட இடைவேளைப் பின்னர் மீண்டும் A DAY (2017) பார்த்தேன். இது ஒரு டைம் லூப் ஸ்டோரி.

மொதல்ல டைம் லூப்புன்னா என்னான்னு பாக்கலாம்.

காலங்காத்தால திடீர்னு கண்ண முழிப்பீங்க. “மணி ஒன்பதாச்சு எந்திரிக்கலையா”னு மனைவியோட அசரீரி கேட்கும். நீங்க மெதுவா எந்திரிக்கும்போது “கொரோனோவுக்கு இன்னும் ரெண்டு மாசம் லீவு குடுப்பாங்களா”ன்னு பையன் கேட்பான். கெளம்பி வெளிய வந்து தமிழ் மாநில உணவான தோசைய சாப்பிடும்போது “மறுபடி நேத்தோட சாம்பாரான்னு” பொண்ணு கேட்பா. “வெங்காயம், தக்காளி” வேணும்னு மனைவி சொன்னதும் நீங்க வண்டிய எடுத்துட்டு ரோட்ல போகும்போது ஒரு லேடி ரெண்டு காலையும் வெளிப்பக்கம் நீட்டிக்கிட்டு ஸ்கூட்டி ஓட்டிட்டு போவாங்க. போல்ஸ்கார் உங்களை மட்டும் நிப்பாட்டி “கொரோனா டைம்ல எதுக்கு வெளிய வந்தேன்னு” தோப்பு கரணம் போட சொல்வார். வாய் இருக்காம “அந்தம்மாவ என் விட்டீங்க”னு கேட்பீங்க. “அவங்கெல்லாம் சிங்கப்பெண்ணு”னு சொல்வார். “நானும் புலிக் குட்டி தாங்க”ன்னு சொன்னதும் உங்களை அடிச்சி கொன்னுடுவாங்க.

திடீர்னு நீங்க மறுபடியும் காலங்காத்தால எந்திரிப்பீங்க “மணி ஒன்பதாச்சு எந்திரிக்கலையா”னு மனைவியோட அசரீரி அதே மாதிரி கேட்கும். உங்களுக்கு அடிபட்டு செத்தது எல்லாம் நல்லா ஞாபகம் இருக்கும். பையன் ரெண்டு மாசம் லீவு கிடைக்குமா என்பான், பொண்ணு நேத்து சாம்பாரான்னு சொல்வா. தக்காளி, சிங்கப்பொண்ணு, அடிபட்டு சாவீங்க. மறுபடியும் திடுக்கிட்டு எந்திரிப்பீங்க. எல்லாம் அதேமாதிரி மீண்டும், மீண்டும்.

நீங்க எதை மாத்தி செஞ்சாலும் போலீஸ் அடிச்சி கொல்வாங்க. காலம் உங்களிடம் மட்டும் வட்டமா மாட்டிக்குது. நீங்க இதை மாத்தியாகனும். அடிபட்டு சாவாம.

இந்த கதைய ஹாலிவுட்டில் ஒலகத்தை காப்பாத்த பலவிதத்தில் எடுத்துட்டாங்க.

தமிழில் எடுத்தா காதலியவோ, மச்சினியையோ காப்பாத்த எடுப்பாங்க. நமக்கு சோத்துக்கு வழியில்லன்னாலும் காதல் முக்கியம்.

A DAY வில் ஒரு டாக்டர் வெளிநாடு போயிட்டு திரும்பி வரும்போது பிளானில் கண் விழிக்கிறார். கீழிறங்கியதும் தனது சிறிய பெண் ஆக்சிடெண்டில் சாவதைப் பார்க்கிறார். மீண்டும் கண் விழிக்கிறார். ஆட்டம் ஆரம்பம். பெண்ணை காப்பாத்தணும். எவ்வளவோ அட்டகாசமான ஐடியா பண்ணாலும் பெண்ணு செத்துட்டே இருக்கிறா. அருமையான ட்வீஸ்ட்டுகள். பதட்டம். எந்திரிச்சி வெளிய வந்து ஹீரோவிற்கு ஓர் போன் பண்ணி சொல்லலாமான்னு தோணும். மிஸ் பண்ணாதீங்க.

நம்ப செத்து பொறந்தா கொஞ்சம் மூக்கு சின்னதா போனாலும் பரவாயில்லன்னு அடுத்த தடவ கொரியாவில் பொறக்கணும். என்னா ஹீரோயின் சாரி படங்கள்…

–முகநூலில் அசோக்குமார்

https://www.facebook.com/Ashoka.the.IInd

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.