பிழை படத்தை இயக்கி கவனத்தை ஈர்த்த, ராஜவேல் கிருஷ்ணாவின் அடுத்த படம், தூவல். ராஜ்குமார், சாந்தா, சிவம், மாஸ்டர் நிவாஸ், இளையா, ராஜ்வேல், கிருஷ்ணா உள்ளிட்டோர் நடித்து உள்ளனர்.
எஸ்.ஏ.தர்வேஸ் ஒளிப்பதிவு செய்து உள்ளார். படமா சதீஷ் இசை அமைத்து உள்ளார்.
படத்தொகுப்பை ராம் கோபி செய்திருக்கிறார். படத்தினை சைகர் பிக்சர்ஸ் நிறுவனம் தயாரித்திருக்கிறது.
ஆற்றங்கரை ஓரத்து கிராமம். ஆற்றில் நீர் வரும் நேரத்தில் மீன் பிடிப்பதையும் மற்ற நேரங்களில் சாராயம் காய்ச்சுவது, மரம் வெட்டுவது, காட்டில் மிருகங்களை வேட்டை ஆடுவது என்று என்றும்காலத்தை கழிக்கிறார்கள், மக்கள். வெடி வைத்து பாறைகளை தகர்க்கும் தொழிலையும் சிலர் செய்து வருகிறார்கள்.
இந்நிலையில், ஆற்றிலும், அருகில் இருக்கும் குட்டையிலும் வெடி போட்டு மீன் பிடிக்கிறார்கள் சிலர். இதனால் ஏற்படும் பாதிப்பை ரத்தமும் சதையுமாகச் சொல்லி இருப்பதுதான் தூவல். அனைவருமே சிறப்பாக நடித்து உள்ளனர். குறிப்பாக ராஜ்வேல், கிருஷ்ணன் உள்ளிட்டோர் கிராமவாசியாகவே வாழ்ந்திருக்கிறார்கள். வன அதிகாரியாக வரும் ராஜ்குமாரும் சிறப்பாக நடித்து உள்ளார்.
எஸ்.ஏ. தர்வேஸின் ஒளிப்பதிவு, படமா சதீசின் இசை ஆகியவை படத்துக்கு பலம்.
இசை – படமாசதீஷ்.
மோகன் ராஜா வரிகளில் பாடல் வரிகள் கவனிக்க வைக்கின்றன.
ஆற்றங்கரையோர மக்களின் வாழ்க்கையை நிதர்சனமாக சொல்லி இருக்கிறார் இயக்குனர் ராஜவேல் கிருஷ்ணா.
மொத்தத்தில் கவனத்தை ஈர்க்கும் திரைப்படம்.