வேட்டை மன்னன் படத்தில் உதவி இயக்குநராக பணியாற்றிய எஸ்.சினிஷ் தயாரித்து இயக்கும் படம் என்றென்றும்.
இப்படம் டெலிப்லிம்மாக டிஜிட்டல் கேமராவில் எடுக்கப்பட்டு பின்னர் சினிமா பிலிம்முக்கு மாற்றப்பட்டிருக்கிறது.
தசாவதாரத்திற்கு அப்புறம் ‘குழப்ப தியரி’ எனப்படும் கையாஸ் தியரி(Chaos Theory)யை கையில் எடுத்திருக்கும் படம். அத்தோடு காதலர்கள் இறந்த பின்னும் காதல் தொடரும் என்று வேறு கதையில் சொல்கிறார்கள். சுருக்கமாச் சொல்லனும்னா குழப்பமான காதல் கதைன்னு சொல்லலாம்.
படத்தின் நாயகன் மானாட மயிலாட, ஜோடி நம்பர்.1 புகழ் சதீஷ். கதாநாயகி ப்ரியங்கா ரெட்டி. புதுமுகம். படத்தின் ஒளிப்பதிவாளர் சரவணன். டிஜிட்டலிலிருந்து பிலிம் தரத்திற்கு மாற்ற சிரமப்பட்டிருக்கிறார் என்கிறார்கள்.
இசை தரண். இவர் ஏற்கனவே பாரிஜாதம், போடா போடி போன்ற படங்களுக்கு இசையமைத்துள்ளார்.
சென்னை மற்றும் அதன் சுற்று வட்டாரங்களில் படப்பிடிப்பு நடத்தியிருக்கிறார்கள். படம் டிசம்பரில் வரலாம்.