கமல் த்ரிஷா நடிப்பில் வெளிவர இருக்கும் தூங்காவனம் ஒரு த்ரில்லர். ஒரு பிரெஞ்சுப் படத்தைத் தழுவி எடுக்கப்பட்டுள்ளது இந்தப் படம்.
இப்படத்தில் நடித்த அனுபவம் குறித்து கூறிய திரிஷா,‘இந்த படத்தில் நான் நடித்துள்ள வேடம் அதிக சவால் நிறைந்தது. நான் நன்றாக நடிப்பதற்கு கமல் சார் எனக்கு உதவி செய்தார். அவர் வழிகாட்டுதலின்படிதான் நடித்தேன். தனிப்பட்ட முறையில் அவர் என் மீது அக்கறை எடுத்து சிறப்பாக நடிக்க வைத்தார்.
டப்பிங் நடந்த போது நான் ஏற்ற இறக்கத்துடன் சரியாக பேசுவதற்கு கமல் சார் ஊக்கம் தந்தார். ஏற்கனவே, நான் கமல் சாருடன் நடித்த ‘மன்மதன் அம்பு’ படத்தில் டப்பிங் பேச முயற்சி செய்தேன். ஆனால் இந்த படத்தில் நான் எனது குரலில் டப்பிங் பேசுவதற்கு காரணமாக இருந்தவர் கமல் சார்தான்’ என்றார் மகிழ்ச்சியுடன் திரிஷா.